సీబీఎస్ఈ క్లాస్ 10, క్లాస్ 12 సిలబస్ విషయంలో ఇటీవల గందరగోళం నెలకొంది. రెండు తరగతుల సిలబస్ని 15శాతం మేర తగ్గిస్తూ సీబీఎస్ఈ నిర్ణయం తీసుకుందని గురువారం వార్తలు వచ్చాయి. అంతేకాదు.. ఎంపిక చేసిన సబ్జెక్ట్స్లో ఓపెన్ బుక్ పరీక్షలు నిర్వహించేందుకు సెంట్రల్ బోర్డ్ ఆఫ్ సెకండరీ ఎడ్యుకేషన్ ఏర్పాట్లు చేస్తున్నట్టు పలు నివేదికలు చెప్పాయి. ఈ వ్యవహారంపై సీబీఎస్ఈ తాజాగా స్పందించింది. అవన్నీ ఫేక్ అని, తాము ఎలాంటి ప్రకటన చేయలేదని స్పష్టం చేసింది. 2025 బోర్డు పరీక్షల కోసం 10, 12 తరగతుల సిలబస్ని తగ్గించాలని, ఎంపిక చేసిన సబ్జెక్టుల్లో ఓపెన్ బుక్ పరీక్షలను నిర్వహించాలని యోచిస్తున్నట్లు వచ్చిన వార్తల్లో నిజం లేదని తేల్చిచెప్పింది.
