.webp)
ఐకాన్ స్టార్ అల్లు అర్జున్(allu arjun)నటించిన పుష్ప 2(pushpa 2)డిసెంబర్ 5 న వరల్డ్ వైడ్ గా విడుదల అవుతున్న విషయం తెలిసిందే.దీంతో మూవీకి సంబంధించిన అన్ని పనులు శరవేగంగా జరుగుతున్నాయి.సుకుమార్(sukumar)దర్శకత్వంలో తెరకెక్కుతున్న ఈ మూవీకి దేవిశ్రీప్రసాద్(devi sriprasad)సంగీత దర్శకుడు కాగా,ఇప్పటికే విడుదలైన రెండు పాటలు మంచి ప్రేక్షాదరణని పొందటమే కాకుండా రికార్డు వ్యూస్ తో ముందుకు దూసుకుపోతున్నాయి.కాకపోతే బ్యాక్ గ్రౌండ్ స్కోర్ కి సంబంధించి తమన్ పుష్ప 2 లో భాగం కానున్నాడనేవార్తలు గత కొన్ని రోజుల నుంచి వస్తు ఉన్నాయి.
ఈ నేపథ్యంలో వాటిపై తమన్(thaman)పూర్తి క్లారిటీ ని ఇచ్చాడు. రీసెంట్ గా నందమూరి బాలకృష్ణ(balakrishna)అప్ కమింగ్ మూవీకి సంబంధించిన టైటిల్ మరియు టీజర్ రిలీజ్ కార్యక్రమం జరిగింది. డాకు మహారాజ్(daku maharaj)అనే టైటిల్ తో వస్తున్న ఈ మూవీకి తమన్ సంగీతాన్ని అందిస్తున్నాడు.దీంతో ఆ కార్యక్రమంలో తమన్ తో ఒక విలేకరి మీరు పుష్ప పార్ట్ 2 కి వర్క్ చేస్తున్నారంట కదా అని అడిగాడు. అప్పుడు తమన్ మాట్లాడుతు పుష్ప 2 కి పని చేస్తుంది నిజమే కానీ నేను అందులో చిన్న భాగం మాత్రమే. ఇంకా చాలా మంది పని చేస్తున్నారని చెప్పుకొచ్చాడు.
