పండుగలు వచ్చినా, ప్రత్యేక రోజులు వచ్చినా భక్తి శ్రద్ధలతో దేవుడిని ప్రార్థించడం భారతీయులకు అలవాటు. పూజలు, వ్రతాలు చేయడం నోములు నోచుకోవడం వల్ల శుభఫలితాలు అందిస్తుందని భక్తుల నమ్మిక. హిందూ సంప్రదాయం ప్రకారం పూజలు, వ్రతాలు చేసుకున్న తర్వాత వ్యర్థ సామాగ్రిని ఎక్కడ పడితే అక్కడ వేయడం అశుభంగా భావిస్తారు. ఇంట్లోని ఇతర వ్యర్థ పదార్థాలతో వీటిని కలిపి ఉంచడం పాపకార్యంగా కూడా చెబుతారు. కొందరు వీటిని ప్రత్యేకంగా తీసుకెళ్లి నీటి ప్రవాహం ఉన్న చోట అంటే నది లేదా చెరువులో పారేస్తుంటారు. ఇది కూడా అశుభమని శాస్త్రాలు చెబుతున్నాయి. ప్రముఖ జ్యోతిష్య నిపుణులు వీరేంద్ర సాహ్ని పూజా సామాగ్రి నిర్వీర్యం గురించి ఏమంటున్నారో తెలుసుకుందాం.
