నీరు, ఆహారం
డీహైడ్రేషన్ కూడా కీళ్లనొప్పులు అధికం అయ్యేందుకు కారణంగా ఉంటుంది. అందుకే చలికాలంలోనూ శరీరానికి సరిపడా నీరు తాగాలి. అయితే, వాతావరణం చల్లగా ఉండి ఎక్కువగా దాహం వేయకపోవటంతో శీతాకాలంలో కొందరు నీళ్లు సరిపడా తాగరు. నిర్లక్ష్యం చేస్తారు. ఇలా చేస్తే శరీరం డీహైడ్రేషన్ అయి కీళ్ల నొప్పి తీవ్రత పెరుగుతుంది. అందుకే తగినంత నీరు తాగడం తప్పనిసరి. చలికాలంలో కాల్షియం, విటమిన్ డీ, ఐరన్ లాంటి పోషకాలు ఎక్కువగా ఉండే ఆహారాలు తినాలి. కార్బొహైడ్రేట్లు, ఉప్పు, చెక్కర ఎక్కువగా ఉండేవి, ప్రాసెస్డ్, ఫాస్ట్ ఫుడ్స్ ఎక్కువగా తీసుకోకూడదు.
