95 మంది ఉద్యోగులను తొలగించిన ఏపీ సర్కార్
ఏపీ సర్కార్ కీలక నిర్ణయం తీసుకుంది. వైసీపీ ప్రభుత్వ హయాంలో రాజకీయ నేతల సిఫార్సులతో ఏపీ ఖనిజాభివృద్ధి సంస్థలో ఉద్యోగాలు ఇచ్చారనే ఆరోపణలు ఉన్నాయి. సిఫార్సులతో ఉద్యోగాలు పొందిన వారికి ఏపీఎండీసీ షాక్ ఇచ్చింది. ఔట్ సోర్సింగ్ సేవల కింద పనిచేస్తున్న 45 మందిని, 50 మంది కాంట్రాక్టు ఉద్యోగులను విధుల్లోంచి తొలగించింది. వైసీపీ ప్రభుత్వ హయాంలో అప్పటి మంత్రి పెద్దిరెడ్డి రామచంద్రారెడ్డి, ఎంపీ మిథున్‌రెడ్డి, కడప ఎంపీ అవినాష్‌రెడ్డి సిఫార్సులతో ఏపీఎండీసీలో ఉద్యోగాలు పొందారని కూటమి నేతలు చెబుతున్నారు. వీరితో పాటుగా వివిధ శాఖల మంత్రులు, ఎంపీలు, ఎమ్మెల్యేల సిఫార్సులతో ఏపీఎండీసీలో అవసరం లేకపోయినా వందల సంఖ్యలో ఉద్యోగులను అక్రమంగా నియమించారనే విమర్శలు ఉన్నాయి.
