హిందూమత ఆచారాల ప్రకారం ఒక్కొక్క దేవతకి ఒక్కో శక్తి ఉంటుంది. మీకు కావాల్సిన ఫలితాన్ని బట్టి ఆ దేవతను పూజించడం ద్వారా కోరికలను నెరవేర్చుకోవచ్చు. ఎంతోమందికి ఇంట్లో రకరకాల సమస్యలు వస్తాయి. ముఖ్యంగా అప్పుల బాధలు వెంటాడుతాయి. ఆర్థికంగా నిలదొక్కుకోలేకపోతారు. అలాంటి వారు ఆర్థికంగా విజయం సాధించాలంటే ఏం చేయాలో, ఎలాంటి పూజలు చేయాలో తెలియక ఇబ్బందులు పడతారు. వారు వారాహి దేవిని ప్రార్థించడం ఉత్తమమైన మార్గం. వారాహి దేవిని తరచూ పూజిస్తూ ఉంటే మీ ఇంట్లో ఉన్న బాధలు సమస్యలు తొలగిపోవడమే కాదు, ఆర్థికంగా కూడా మీరు బలపడతారు.
