బ్యాంక్ ల నుంచి అదనపు రుణం
అప్పుల ఊబిలో కూరుకుపోయిన వొడాఫోన్ ఐడియాకు ప్రభుత్వ నిర్ణయం గొప్ప ఊరటనిస్తుంది. ప్రభుత్వ నిర్ణయంతో సంస్థ చెల్లింపు భారం తగ్గుతుంది. బ్యాంకుల నుంచి అదనపు రుణం పొందేందుకు వీలు కలుగుతంది. నవంబర్ బకాయి రూ.350 కోట్లు, సెప్టెంబర్ బకాయి రూ.4,600 కోట్లను వొడాఫోన్ ఐడియా చెల్లించలేకపోయింది. ఎయిర్టెల్, జియో (JIO)లతో పోటీ పడేందుకు వొడాఫోన్ ఐడియా రూ.25,000 కోట్లతో పాటు లెటర్స్ ఆఫ్ క్రెడిట్ రూపంలో రూ.10,000 కోట్లు కోరుతోంది. కంపెనీ ఇటీవల ఈక్విటీ ద్వారా రూ.24,000 కోట్లు సమీకరించింది. సెప్టెంబర్ 30తో ముగిసిన ఆర్థిక సంవత్సరం రెండో త్రైమాసికంలో వొడాఫోన్ ఐడియా కన్సాలిడేటెడ్ నష్టాన్ని రూ.7,176 కోట్లకు తగ్గించుకుంది. క్యూ2లో కార్యకలాపాల ద్వారా వచ్చిన ఆదాయం రూ.10,716 కోట్ల నుంచి రూ.10,932 కోట్లకు పెరిగింది. కీలక పనితీరు సూచిక అయిన కస్టమర్ ఏఆర్పీయూ (ARPU) టారిఫ్ పెంపుతో రూ.154 నుంచి 7.8 శాతం పెరిగి రూ.166కు చేరుకుంది.
