డబ్బు, ఆప్షన్ ఉన్నా ఉదాసీనత
వాస్తవానికి రూ.83 కోట్ల పర్స్‌తో ఐపీఎల్ 2025 వేలానికి వెళ్లిన రాయల్ ఛాలెంజర్స్ బెంగళూరు టీమ్.. సరైన ప్రణాళికతో దృష్టి పెట్టి ఉంటే.. కనీసం ఇద్దరిని చేజిక్కించునే అవకాశాలూ పుష్కలంగా కనిపించాయి. కానీ.. తేలిగ్గా తీసుకుంది.
వేలంలో వికెట్ కీపర్ జితేశ్ శర్మ కోసం రూ.11 కోట్లు, ఇంగ్లాండ్‌కి చెందిన ఫిలిప్ సాల్ట్ కోసం రూ.11.50 కోట్లు ఖర్చు చేసింది. విడ్డూరం ఏంటంటే. ఈ ఇద్దరూ వికెట్ కీపర్లే. సాధారణంగా ఒక మెయిన్ వికెట్ కీపర్ కోసం భారీగా ఖర్చు చేసి.. స్టాండ్ బై కోసం దేశవాళీ కీపర్‌ను టీమ్‌లోకి ఫ్రాంఛైజీలు తీసుకుంటాయి. కానీ.. ఆర్సీబీ మాత్రం ఇద్దరు వికెట్ కీపర్లకీ భారీగా ఖర్చు చేసింది.
