పక్కా పథకం రచించిన అవినీతి నిరోధక శాఖ అధికారులు లంచం డిమాండ్ చేసిన ఆఫీసర్ ను రెడ్ హ్యాండెడ్ గా పట్టుకున్నారు. బాధితుడు, ఏసీబీ అధికారులు తెలిపిన ప్రకారం పూర్తి వివరాలు ఇలా ఉన్నాయి.. వరంగల్ జిల్లా వర్ధన్నపేట మండలం కడారిగూడెం గ్రామానికి మంద సతీష్ సర్పంచ్ గా పని చేశారు. ఆయన సర్పంచ్ పదవిలో ఉన్న సమయంలో గ్రామంలో మూడు చోట్ల సీసీ రోడ్లు నిర్మించారు. ఆ రోడ్లకు ఉపాధిహామీ నిధులు దాదాపు రూ.9 లక్షలు కేటాయించగా, గతేడాది జనవరి నెలలోనే పనులు పూర్తయ్యాయి. అప్పటి నుంచి తనకు రావాల్సిన బిల్లుల కోసం మంద సతీష్ ఆఫీసర్ల చుట్టూ తిరుగుతున్నాడు.
