కార్తీక మాసం హిందూ సంస్కృతిలో చాలా పవిత్రమైనది.ఈ మాసంలో శివుడు, శివకుటుంబీకులు, శ్రీమహావిష్ణువు, లక్ష్మీ దేవిల పూజ చేస్తే అదృష్టం, ఆర్థిక శ్రేయస్సు, శాంతి, ఆరోగ్యంతో పాటు పాపవిమోచనం కలుగుతుందిని భక్తులు నమ్ముతారు. ముఖ్యంగా ఈ మాసంలో వచ్చే సోమవారం శివ పూజకు, శుక్రవారం లక్ష్మీ పూజకు విశిష్టత ఎక్కువ. కార్తీకమాసం, శుక్రవారం కలిసిన రోజున ప్రతి సంవత్సరం ఒక ప్రత్యేకత ఉంటుంది.ఈ రోజున వ్రతాలు, పూజలు నిర్వహించడం వల్ల రెట్టింపు శుభఫలితాలు కలుగుతాయని భక్తులు నమ్ముతారు. నవంబర్ 29వ తేదీ కార్తీకమాసంలో చివరి శుక్రవారం కనుక ఈ రోజు శుక్రుడు, లక్ష్మీదేవి, స్వర్ణలక్ష్మీల అనుగ్రహం పొందేందుకు చాలా ముఖ్యమైన రోజుగా భావించాలి.
