పాదయాత్ర చేస్తుండగా..
త్వరలో ఢిల్లీలో అసెంబ్లీ ఎన్నికలు జరగనున్నాయి. దాంతో, ఆప్ జాతీయ కన్వీనర్, మాజీ సీఎం అరవింద్ కేజ్రీవాల్ ఢిల్లీలో పాదయాత్ర ప్రారంభించారు. శనివారం దక్షిణ ఢిల్లీలోని గ్రేటర్ కైలాష్ ప్రాంతంలో ఆయన పాదయాత్ర చేస్తుండగా ఈ ఘటన చోటు చేసుకుంది. ఆ సమయంలో కేజ్రీవాల్ నడుస్తూ, తనకోసం వేచి ఉన్న ప్రజలను పలకరిస్తున్నారు. అంతలో, అకస్మాత్తుగా ఒక వ్యక్తి కేజ్రీవాల్ కు సమీపంగా వచ్చి తన వద్ద ఉన్న ద్రావణాన్ని కేజ్రీవాల్ పై విసురుగా చల్లాడు. వెంటనే స్పందించిన భద్రతా సిబ్బంది వేగంగా ఆ వ్యక్తిని పట్టుకున్నారు. అయితే, అక్కడ ఉన్న ఆప్ కార్యకర్తలు ఆ వ్యక్తిని దేహశుద్ధి చేసి, మళ్లీ పోలీసులకు అప్పగించారు. ఆ వ్యక్తి చల్లిన ద్రావణం కొంత కేజ్రీవాల్ ముఖంపై పడింది.
