సంతోషం.. మనలోనే..
విజయాలు సాధిస్తేనో.. భారీగా డబ్బు సంపాదిస్తేనో.. ఏదైనా గొప్పగా చేస్తేనో సంతోషం దక్కుతుందని చాలా మంది అనుకుంటారు. అయితే, నిజమైన సంతోషం అనేది మనలోనే దాగి ఉంటుంది. ఏమీ లేకపోయినా సంతోషంగా ఉండాలని బలంగా అనుకుంటే అలాగే ఉండొచ్చు. బాహ్య పరిస్థితులు ఎప్పటికప్పుడు మారుతూనే ఉంటాయి. విజయమే సంతోషాన్ని ఇస్తుందనుకుంటే.. ఓటమి ఎదురైనప్పుడు కుంగుబాటుకు గురి కావాల్సి ఉంటుంది. అందుకే ఎప్పటికీ ఆనందాన్ని బయట వెతుక్కోకూడదు. సంతోషాన్ని దేనికీ ముడిపెట్టకూడదు. జీవితంలో విజయాలు, ఎదుగుదల కోసం పూర్తిస్థాయిలో శ్రమించాలి. కానీ ఓటమి ఎదురైనా బాధపడకూడదు.
