33 ఏళ్లు.. ఇప్పుడు అదే స్పాట్
1991 జూన్ 12న మందు పాతర పేలి ఏడుగురు పోలీసులు మృత్యువాత పడిన ఘటన జరిగి.. 33 ఏళ్లు పూర్తయ్యింది. ఇప్పుడు అదే చల్పాక సమీపంలో మావోయిస్టులు, పోలీసుల మధ్య ఎన్ కౌంటర్ జరగగా.. ఈసారి ఏడుగురు మావోయిస్టులు ప్రాణాలు కోల్పోయారు. అందులో మావోయిస్టు పార్టీ రాష్ట్ర కమిటీ సభ్యుడు కుర్సం మంగు అలియాస్ భద్రు అలియాస్ పాపన్న, జిల్లా కమిటీ సభ్యుడు ఏగోలపు మల్లయ్య అలియాస్ మధు అలియాస్ కోటి, ఏరియా కమిటీ సభ్యులు ముస్సాకి కరుణాకర్ అలియాస్ దేవల్, జమున, జైసింగ్, కిషోర్, కామేష్ హతమైన విషయం తెలిసిందే. దీంతో అప్పుడు ఏడుగురు పోలీసులు, ఇప్పుడు ఏడుగురు మావోయిస్టులు హతమవడం.. రెండు ఘటనల స్పాట్ కూడా చల్పాక ఫారెస్ట్ ఏరియానే కావడంతో పోలీసులు నాటి ఘటనకు రివేంజ్ తీర్చుకున్నారనే చర్చ జరుగుతోంది.
