విడా వి2 సిరీస్ స్పెసిఫికేషన్స్
విడా వి2 సిరీస్ ఎలక్ట్రిక్ స్కూటర్ (electric scooter) లలోని స్వింగ్ ఆర్మ్ మౌంటెడ్ పిఎమ్ ఎస్ మోటార్ 6 కిలోవాట్ల (8బిహెచ్ పి), 26ఎన్ఎమ్ గరిష్ట టార్క్ ను ఉత్పత్తి చేస్తుంది. వి2 ప్లస్, వీ2 ప్రో లలో నాలుగు రైడింగ్ మోడ్ లు ఉంటాయి. అవి ఎకో, రైడ్, స్పోర్ట్, కస్టమ్. వి2 ప్లస్ గరిష్ట వేగం గంటకు 85 కిలోమీటర్లు కాగా, వి2 ప్రో 90 కిలోమీటర్ల వేగంతో దూసుకెళ్తుంది. విడా వి 2 దాదాపు వి 1 ఎలక్ట్రిక్ స్కూటర్ ను పోలి ఉంటుంది. కానీ, వీ2 మ్యాట్ నెక్సస్ బ్లూ-గ్రే, గ్లోసీ స్పోర్ట్స్ రెడ్ అనే రెండు కొత్త కలర్ ఆప్షన్లలో లభిస్తుంది. ఈ ఎలక్ట్రిక్ స్కూటర్ 5 సంవత్సరాల / 50,000 కిలోమీటర్ల వారంటీని ప్రామాణికంగా పొందుతుంది. బ్యాటరీ ప్యాక్లకు 3 సంవత్సరాల / 30,000 కిలోమీటర్ల వారంటీ లభిస్తుంది.
