టికెట్ల అమ్మకాల్లోనూ రికార్డ్
పుష్ప 2 సినిమాలో అల్లు అర్జున్, రష్మిక మంధాన, ఫహద్ ఫాజిల్ కీలక పాత్రలు పోషించగా.. జగపతి బాబు, రావు రమేశ్, సునీల్, అనసూయ కూడా నటించారు. క్రేజీ హీరోయిన్ శ్రీలీల ఐటెం సాంగ్ చేసింది. 2021లో వచ్చిన ‘పుష్ప: ది రైజ్’ మూవీ విడుదలైన అన్ని భాషల్లోనూ సూపర్ హిట్‌గా నిలవగా.. నిన్న వచ్చిన సీక్వెల్‌కి కూడా అన్ని భాషల్లోనూ ఆదరణ దక్కుతోంది. ఎంతలా అంటే.. తొలిరోజే ఏకంగా బుక్ మై షో ద్వారా 1.6 మిలియన్ టికెట్లు అమ్ముడుపోయాయి. ఇప్పటి వరకు ఏ సినిమాకి కూడా ఈ తరహాలో టికెట్లు అమ్ముడుపోలేదట.
