ఇడ్లీ గురించి ఎంత చెప్పినా తక్కువే. వారం రోజుల పాటూ ఇష్టంగా ఇడ్లీ తినేవారు ఎంతో మంది ఉన్నారు. ఇడ్లీ దక్షిణ భారతదేశంలో అత్యంత ప్రాచుర్యం పొందిన అల్పాహారం వంటకం. ఇది శ్రీలంకలో కూడా ప్రసిద్ధి చెందింది. ఇడ్లీని బియ్యం, మినప్పప్పుతో పిండిని పులియబెట్టడం ద్వారా తయారుచేస్తారు. ఇడ్లీ తయారీకి మినుములు, ఇడ్లీ రవ్వను ఉపయోగిస్తారు. రకరకాల ఇడ్లీలను ప్రస్తుతం తయారుచేస్తున్నారు. ఇడ్లీని రవ్వ, సగ్గుబియ్యం, వెర్మిసెల్లిలో కూడా తయారుచేస్తారు. ఇడ్లీని కేవలం మినుములతో మాత్రమే తయారు చేసినట్లు కన్నడ చరిత్ర పుస్తకాల్లో ప్రస్తావనలు ఉన్నాయి.
