తప్పిన ఫాలో ఆన్ గండం
కేఎల్ రాహుల్ (84), రవీంద్ర జడేజా (77) సమయోచిత ఇన్నింగ్స్ ఆడిన తర్వాత క్రీజులోకి వచ్చిన బుమ్రా (10 నాటౌట్), ఆకాశ్ దీప్ (27 నాటౌట్) ఆఖరి వికెట్‌కి అజేయంగా 39 పరుగుల భాగస్వామ్యం నెలకొల్పారు. దాంతో భారత్ జట్టుకి ఫాలో ఆన్ ప్రమాదం తప్పింది. వాస్తవానికి ఆకాశ్ దీప్ క్రీజులోకి వచ్చేసరికి భారత్ స్కోరు 9 వికెట్ల నష్టానికి 213 పరుగులు కాగా, ఫాలోఆన్‌ను తప్పించుకోవాలంటే మరో 33 పరుగులు చేయాల్సి ఉంది. ఈ దశలో ఈ జంట అద్వితీయ ప్రదర్శన కనబర్చింది.
