కొత్త నిబంధనలు అమలు ఎప్పుడు?
అధ్యక్షుడు బైడెన్ (BIDEN) పదవి నుంచి వైదొలగడానికి కొద్ది రోజుల ముందు, అంటే 2025 జనవరి 17 నుంచి ఈ కొత్త నిబంధనలు అమల్లోకి రానున్నాయి. ఈ కొత్త నిబంధనల ప్రకారం, దరఖాస్తుదారులు తమ హెచ్-1బీ దరఖాస్తులను సమర్పించడానికి కొత్తగా ప్రవేశపెట్టిన ఐ-129 అప్లికేషన్ ఫామ్ ను ఉపయోగించాల్సి ఉంటుంది. అమెరికా డిపార్ట్ మెంట్ ఆఫ్ హోమ్ ల్యాండ్ సెక్యూరిటీ (DHS) నిర్దేశించిన 85,000 పరిమితిని మించి ఏటా లక్షలాది మంది హెచ్ -1బీ వీసాకు దరఖాస్తులు వస్తున్నాయి. అమెజాన్, గూగుల్, టెస్లా వంటి టెక్ దిగ్గజాలు ఈ హెచ్ 1 బీ వీసా ప్రోగ్రామ్ కు అతిపెద్ద లబ్ధిదారులలో ఒకరుగా ఉన్నాయి. 2024 లో 4 లక్షల కంటే ఎక్కువ దరఖాస్తులు ఈ హెచ్ 1 బీ వీసాల కోసం వచ్చాయంటే, ఈ కేటగిరీలో ఉన్న తీవ్రమైన పోటీని అర్థం చేసుకోవచ్చు.
