Maruti Suzuki WagonR: మారుతి సుజుకి వేగన్ ఆర్ భారతదేశంలో 25వ వసంతంలోకి అడుగుపెట్టింది. 1999 డిసెంబర్ 18న తొలిసారిగా లాంచ్ అయిన వేగన్ఆర్ గత రెండున్నర దశాబ్దాలుగా మారుతి సుజుకి కి అత్యంత విజయవంతమైన మోడళ్లలో ఒకటిగా నిలిచింది. ప్రారంభంలో పట్టణ ప్రయాణ కారుగా స్థానం పొందిన మారుతి వ్యాగన్ఆర్ పట్టణ, సెమీ అర్బన్ ల మధ్య అంతరాన్ని పూడ్చగలిగింది. హ్యుందాయ్ (hyundai cars) శాంత్రో, టాటా ఇండికా, డేవూ మాటిజ్ వంటి దాని ప్రారంభ ప్రత్యర్థులు మరుగున పడిపోయినప్పటికీ, వ్యాగన్ఆర్ చిన్న కార్ల ఆటలో తిరుగులేని విజేతగా నిలిచింది.
