ఆ తర్వాత ఇండియాలో జరగనున్న 2025 వుమెన్స్ వన్డే వరల్డ్ కప్, 2026 మెన్స్ టీ20 వరల్డ్ కప్ లకు కూడా ఇదే వర్తిస్తుంది. 2026 టీ20 వరల్డ్ కప్ కు ఇండియాతోపాటు శ్రీలంక కూడా ఆతిథ్య దేశంగా ఉండటంతో ఇండియా, పాకిస్థాన్ మ్యాచ్ ఆ దేశంలో జరుగుతుంది. దీనికి అంగీకరించినందుకుగాను పాకిస్థాన్ కు 2028లో జరగబోయే వుమెన్స్ టీ20 వరల్డ్ కప్ ఆతిథ్య హక్కులను కట్టబెట్టారు. తటస్థ వేదిక ఏది అనేది ఆతిథ్య దేశం నిర్ణయిస్తుంది. దీనిని ఐసీసీ ఆమోదించాల్సి ఉంటుంది. ఇప్పుడు 24 గంటల్లోనే పాకిస్థాన్ ఛాంపియన్స్ ట్రోఫీ కోసం తటస్థ వేదిక ఏదో నిర్ణయించాలి. యూఏఈకే ఎక్కువ అవకాశాలు ఉండగా.. శ్రీలంకకు కూడా అవకాశం ఉంది.
