పుష్ప 2 చిత్రం ఇప్పటికే ప్రపంచవ్యాప్తంగా రూ.1,500 కోట్ల గ్రాస్ కలెక్షన్ల మార్క్ దాటింది. అత్యంత వేగంగా ఈ మార్క్ దాటిన చిత్రం చరిత్ర సృష్టించింది. హిందీ నెట్ కలెక్షన్లు 15 రోజుల్లోనే రూ.632కోట్లు అధిగమించింది. దీంతో స్త్రీ2ను వెనక్కి నెట్టి బాలీవుడ్‍లో ఆల్‍టైమ్ అత్యధిక వసూళ్ల రికార్డును ఈ మూవీ సాధించింది. ఈ చిత్రానికి వసూళ్లు ఇంకా జోరుగా సాగుతున్నాయి. ఈ సినిమాలో అల్లు అర్జున్‍కు జోడీగా రష్మిక మందన్నా నటించగా.. ఫాహద్ ఫాజిల్, రావు రమేశ్, జగపతి బాబు, జగదీశ్ ప్రతాప్ బండారీ కీలక పాత్రలు చేశారు.
