బెనిఫిట్‌ షోలు, టిక్కెట్ల పెంపు ఇకపై ఉండదని సీఎం రేవంత్ రెడ్డి సినీ ప్రముఖులకు తేల్చి చెప్పారు. ఇంటర్నేషనల్ ఫిల్మ్ ఫెస్టివల్ నిర్వహించాలని దర్శకుడు రాఘవేంద్ర రావు సూచించడంతో దానికిి సుముఖత తెలిపారు. ఈ సమావేశంలో తెలుగు సినీ పరిశ్రమకు చెందిన నిర్మాతలు, నటులు, దర్శకులు పాల్గొన్నారు. టిక్కెట్ల ధరల పెంపుకు మాత్రం అనుమతించమని ముఖ్యమంత్రి తేల్చి చెప్పినట్టు తెలుస్తోంది. ఈ సమావేశంలో సీఎంతో పాటు మంత్రులు భట్టి విక్రమార్క, కోటమిరెడ్డి, డీజీపీ పాల్గొన్నారు. ఎఫ్‌డిసి ఛైర్మన్ దిల్‌ రాజు, నటులు నాగార్జున, వెంకటేష్‌, మురళీమోహన్, అల్లు అరవింద్‌ తదితరులు పాల్గొన్నారు.
