ప్రసిద్ధ ఆర్థికవేత్త
1991లో భారతదేశం ఆర్థిక సంక్షోభంలో చిక్కుకుపోయి ఉన్నప్పుడు దివంగత ప్రధాని పివి నరసింహారావు ప్రసిద్ధ ఆర్థికవేత్త అయిన డాక్టర్ మన్మోహన్ సింగ్ ను ఆర్థిక మంత్రిగా ప్రభుత్వంలో చేర్చుకున్నారు. ఆ విధంగా మన్మోహన్ సింగ్, అనూహ్యంగా రాజకీయాల్లోకి ప్రవేశించారు. ఆ ఇరువురు నేతలు కలిసి ఆర్థిక వ్యవస్థను చెల్లింపుల సంక్షోభం నుంచి గట్టెక్కించి, ఆర్థిక సంస్కరణలకు పునాది వేశారు. ఆ సంస్కరణల ఫలితమే నిజానికి నేటి దేశ ఆర్థిక పురోగతి అని చెప్పవచ్చు.
