ఆగని అక్రమ దందా…
ఏసీబీ అధికారుల మెరుపు దాడులతో పలువురు ఉద్యోగులను పట్టుకున్నా, రెవెన్యూ ఉద్యోగుల అవినీతి దందా మాత్రం ఆగడం లేదు. నిబంధనల ప్రకారం పని చేయాల్సిన అధికారులు చేయి చాచి లంచంగా డబ్బులు తీసుకుంటూ అడ్డంగా బుక్ అవుతున్నారు. లచ్చం ఇవ్వడం లంచం తీసుకోవడం నేరమేనని ఏసీబీ అధికారులు పదే పదే చెబుతున్నా అధికారుల ఉద్యోగుల్లో మాత్రం మార్పు రావడం లేదు. ఇప్పటికే గడిచిన మూడు నెలల్లో ఉమ్మడి కరీంనగర్ జిల్లాలో ఆరుగురిని ఏసీబీ అధికారులు పట్టుకున్నారు. ప్రతి నెల ఠంచన్ గా జీతం వస్తున్నా లంచానికి కక్కుర్తి పడి అడ్డంగా బుక్ కావడం వారి పాపం పండిందని జనం భావిస్తున్నారు. లంచగొండి అవినీతి అధికారులపై కఠినంగా వ్యలహరించాలని కోరుతున్నారు.
