సెకండాఫ్‍లో హర్యానా దూకుడు
ఈ పీకేఎల్ ఫైనల్ పోరు తొలి అర్ధ భాగం హోరాహోరీగా సాగింది. హర్యానా, పట్నా పోటాపోటీగా పాయింట్లు సాధించాయి. దీంతో పోరు రసవత్తరంగా సాగింది. తొలి అర్ధ భాగం ముగిసే సరికి హర్యానా 15, పట్నా 12 పాయింట్లు సాధించాయి. ఇరు జట్ల మధ్య మూడో పాయింట్ల తేడానే ఉంది. అయితే, ఫైనల్ సెకండాఫ్‍లో హర్యానా దూకుడు ప్రదర్శించింది. ఆ జట్టు ఆటగాళ్లు పూర్తి అటాకింగ్ మోడ్‍లో ఆడారు. దీంతో ఆ హర్యానా వరుసగా పాయింట్లు సాధించింది. పాయింట్ల మధ్య అంతరం పెరుగుతూ పోయింది. చివరికి 32-23 తేడాతో ఏకపక్షంగా గెలిచింది హర్యానా. 9 పాయింట్ల తేడాతో తుదిపోరులో గెలిచి.. తన ఫస్ట్ పీకేఎల్ టైటిల్ పట్టేసింది.
