డిసెంబర్ 31న రాత్రి నిర్వహించే వేడుకల్లో ఎలాంటి అవాంఛనీయ ఘటనలు చోటుచేసుకోకుండా.. వరంగల్ పోలీసులు ప్రత్యేక బృందాలను ఏర్పాటు చేస్తున్నారు. ఈ మేరకు ట్రాఫిక్, టాస్క్ ఫోర్స్, క్రైమ్, షీ టీమ్స్ తదితర వింగ్‌ల పోలీస్ ఆఫీసర్లతో పెట్రోలింగ్ నిర్వహించేందుకు కసరత్తు చేస్తున్నారు. ఈ మేరకు కమిషనరేట్ లోని ఈస్ట్, వెస్ట్, సెంట్రల్ జోన్ పోలీస్ ఆఫీసర్లకు ఆదేశాలు కూడా జారీ అయ్యాయి. న్యూ ఇయర్ వేడుకలు జరిగే సమయంలో ట్రాఫిక్ సమస్యలతో పాటు పరిసర ప్రాంతాల్లోని ఇండ్ల వారికి ఇబ్బందులు కలగకుండా చర్యలు తీసుకోవాలని సీపీ అంబర్ కిషోర్ ఝా పోలీస్ ఆఫీసర్లకు సూచించారు.
