Small savings schemes: పీపీఎఫ్, ఎన్ఎస్సీ సహా వివిధ చిన్న మొత్తాల పొదుపు పథకాలపై వడ్డీ రేట్లను ప్రభుత్వం యథాతథంగా ఉంచింది. గత మూడు త్రైమాసికాలుగా ఈ వడ్డీ రేట్లను ప్రభుత్వం మార్చలేదు. తాజాగా, 2024-25 ఆర్థిక సంవత్సరం నాలుగో త్రైమాసికానికి సంబంధించి వివిధ చిన్న మొత్తాల పొదుపు పథకాలపై వడ్డీ రేట్లలో ఎలాంటి మార్పు ఉండదని, 2024-25 ఆర్థిక సంవత్సరం మూడో త్రైమాసికానికి నోటిఫై చేసిన వడ్డీ రేట్లే యథాతథంగా కొనసాగుతాయని ఆర్థిక మంత్రిత్వ శాఖ మంగళవారం విడుదల చేసిన నోటిఫికేషన్ లో పేర్కొంది.
