బాంద్రా, జుహూ కోసమే సినిమాలు చేయడంలో బాలీవుడ్ చిక్కుకుపోయిందని నాగవంశీ చెప్పారు. గలాటా ప్లస్ నిర్వహించిన రౌండ్‍ టేబుల్ మీట్‍లో ఇది జరిగింది. “ఇది కఠినంగా అనిపించినా దీన్ని అంగీకరించాలి. సినిమాను బాలీవుడ్ చూసే విధానాన్ని దక్షిణాది మార్చేసింది. మీరు బాంద్రా, జూహు కోసం సినిమాలు చేయడంలో స్ట్రక్ అయిపోయారు. మేం బాహుబలి, ఆర్ఆర్ఆర్ ఇలాంటి సినిమాలు చేశాం. మొఘల్ ఇ ఆజం తర్వాత మీరు బాహుబలి, ఆర్ఆర్ఆర్ గురించి చెప్పారు. అవి తెలుగు సినిమాలు. మొఘల్ఇ- ఆజం తర్వాత ఏ హిందీ సినిమా గురించి చెప్పలేదు” అని నాగవంశీ అన్నారు. బాలీవుడ్ బ్లాక్‍బస్టర్స్ యానిమల్, జవాన్ చిత్రాలను తెరకెక్కించింది కూడా దక్షిణాది దర్శకులే అని చెప్పారు.
