సాయంత్రం అయిందంటే చాలు వేడి వేడిగా క్రిస్పీగా ఏమైనా కావాలని ఆశగా మీ మొహం చూసే వాళ్లు మీ ఇంట్లోనూ ఉన్నారా? వారికోసం రోజుకో రకంగా, ఆరోగ్యకరంగా ఏం చేసి పెట్టాలో అర్థంకాక సతమతం అవుతున్నారా? అయితే ఇది మీ కోసమే. రుచికరమైన, ఆరోగ్యదాయకమైన మెంతి ఆకులతో సాయంత్రం పూట స్నాక్స్ తయారు చేసి ఇంట్లో వారికి ఇచ్చారంటే సరదాగా, సంతోషంగా తినేస్తారు. ఆరోగ్యంగా కూడా ఉంటారు. మెంతికూరలో ఉన్న ఆరోగ్య ప్రయోజనాలు ఆహారంపై మంచి ప్రభావం చూపించి, జీర్ణవ్యవస్థను మెరుగుపరచడానికి సహాయపడతాయి. ఈ పకోడీలు చలికాలంలో లేదా వర్షాకాలంలో తినచ్చు. మామూలు రోజుల్లో కూడా టీటైం స్నాక్స్‌గా చక్కగా సరిపోతాయి.మరి ఇంకెందుకు ఆలోచించండం. టేస్టీ, క్రంచీ మెంతి పకోడీలు ఎలా తయారు చేయాలో చూసేద్దాం రండి.
