హ్యుందాయ్ క్రెటా ఈవీ వర్సెస్ మారుతీ సుజుకీ ఈ విటారా..
కాంపాక్ట్ ఎలక్ట్రిక్ ఎస్యూవీ సెగ్మెంట్లో క్రెటా ఈవీకి ప్రధాన ప్రత్యర్థిగా రాబోయే మారుతీ సుజుకీ ఈ విటారా ఉంటుందని అంచనాలు ఉన్నాయి. ఈ రెండు ఎలక్ట్రిక్ కార్ల ఐసీఈ వర్షెన్లు అయిన క్రెటా, గ్రాండ్ విటారా ఎస్యూవీలకు సూపర్ డిమాండ్, దానికి మించిన సూపర్ పోటీ ఉంది. మారుతీ సుజుకీ తొలి ఎలక్ట్రిక్ వాహనంలో 49 కిలోవాట్, 61 కిలోవాట్ల బ్యాటరీ ప్యాక్తో ప్రత్యర్థుల కంటే అతిపెద్ద బ్యాటరీ సామర్థ్యాన్ని అందుస్తుంది. ఈ విటారా ఎలక్ట్రిక్ ఎస్యూవీని ఒక్కసారి ఛార్జ్ చేస్తే 500 కిలోమీటర్లకు పైగా రేంజ్ని అందించగలదని మారుతీ సంస్థ తెలిపింది. అయితే బ్యాటరీకి సంబంధించిన కరెక్ట్ రేంజ్ వివరాలను మాత్రం వెల్లడించలేదు. పెద్ద బ్యాటరీ ఉన్న క్రెటా ఈవీ రేంజ్ పరంగా ఎంట్రీ లెవల్ ఈ విటారా వేరియంట్తో పోటీ పడుతుందని భావిస్తున్నారు.
