పరీక్ష అనగానే పిల్లలు చాలా కంగారు పడతారు, వారిలో తెలియని భయం, ఆందోళన పెరుగుతాయి. అదే సమయంలో మంచి మార్కులు తెచ్చుకోవాలని తల్లిదండ్రులు, పాఠశాల యాజమాన్యం కూడా వారిపై ఒత్తిడి తీసుకురావడంతో చాలా మంది పిల్లలు ఎగ్జామ్ ఫోబియాకు గురవుతున్నారు. ఇది వారి మానసిక స్థితిలో మార్పులను తీసుకొస్తుంది. చదువు మీద దృష్టి పెట్టనివ్వకుండా, అన్నింటిని మరచిపోయేలా చేస్తుంది. పరీక్షల భయంతో వారి ప్రయత్నాలు, సన్నద్ధత అన్నీ దెబ్బతినే అవకాశాలున్నాయి.
