రామ్ పోతినేని(Ram Pothineni)హీరోగా పూరి జగన్నాధ్(Puri Jaggannadh)దర్శకత్వంలో వచ్చిన ‘ఇస్మార్ట్ శంకర్’ సినిమాతో ప్రేక్షకుల్లో మంచి గుర్తింపుని పొందిన భామ నిధి అగర్వాల్(Nidhi agarwal).ప్రస్తుతం పవన్ కళ్యాణ్(Pawan Kalyan)ప్రభాస్(Prabhas)ల హరిహరవీరమల్లు,ది రాజాసాబ్ లలో హీరోయిన్ గా చేస్తూ పరిశ్రమ దృష్టి మొత్తాన్ని తన వైపుకి తిప్పుకుంది.ఒకే సారి రెండు షూటింగ్ లోను పాల్గొంటూ ఉంది.
రీసెంట్ గా నిధి సైబర్ క్రైమ్ పోలీసులకి ఒక కంప్లైంట్ ఇచ్చింది.ఒక వ్యక్తి నాతో పాటు నాకిష్టమైన వాళ్ళని,బంధువులని చంపుతానని బెదిరిస్తున్నాడని,అతని కామెంట్స్ వాళ్ళ మానసిక ఆందోళనకు లోనవుతున్నాని,సదరు వ్యక్తి పై చట్టపరమైన చర్యలు తీసుకోవాలని తన ఫిర్యాదులో పేర్కొంది.ఇప్పడు ఈ విషయం వైరల్ గా మారింది.
2017 లో ‘మున్నా మైకేల్’ అనే హిందీ చిత్రం ద్వారా సినీ అరంగ్రేటం చేసిన నిధి తెలుగులో సవ్యసాచి,మిస్టర్ మజ్ను,హీరో వంటి తదితర చిత్రాల్లో కూడా నటించింది.రెండు తమిళ సినిమాల్లో కూడా మెరిసిన నిధి హైదరాబాద్ లోనే పుట్టింది.
