రాందేవ్ బాబా మెనూ ఇదే
నిద్ర లేచాక నోటిని శుభ్రం చేసుకుని ఉసిరి రసాన్ని, లేదా కలబంద రసాన్ని వేడినీటిలో కలిపి తాగుతూ ఉంటారు. స్నానం, పూజలు అయ్యాక అరలీటరు ఆవు పాలు తాగుతారు. తరువాత ఆయన ఎలాంటి బ్రేక్ ఫాస్ట్ తీసుకోరు. రోజుకు రెండుసార్లు మాత్రమే ఆహారం తింటారు. ఉదయం పదిగంటలకు మధ్యాహ్న భోజనం చేస్తారు. ఆ భోజనంలో రెండు రోటీలు, కూరగాయలతో వండిన కూరలు, కొంచెం అన్నం తింటారు. మధ్యాహ్నం రెండు కిలోమీటర్ల దాకా నడుస్తారు. ఆయన రాత్రిపూట కూడా ఇలాగే భోజనం చేస్తారు. అయితే మజ్జిగ, పెరుగు వంటివి మాత్రం రాత్రి భోజనంలో తినరు.
