పాన్ ఇండియా రెబల్ స్టార్ ప్రభాస్ ప్రస్తుతం చేస్తున్న ‘ది రాజా సాబ్’ మూవీ కోసం అభిమానులు ఎంతగానో నిరీక్షిస్తున్నారు. ఈ హారర్ రొమాంటిక్ కామెడీ చిత్రానికి మారుతీ దర్శకత్వం వహిస్తున్నారు. చాలా ఏళ్ల తర్వాత ప్రభాస్ ఫుల్ లెంగ్త్ ఎంటర్‌టైనింగ్ రోల్ చేస్తున్నారని, వింటేజ్ డార్లింగ్‍ను ఈ చిత్రంలో చూస్తారనే అంచనాలు ఇప్పటికే ఏర్పడ్డాయి. ప్రభాస్ తొలిసారి హారర్ జానర్ చేస్తున్నారు. దీంతో ది రాజా సాబ్ మూవీపై హైప్ మరింత ఎక్కువగా ఉంది. అయితే, ముందు ప్రకటించిన తేదీ నుంచి ఈ చిత్రం వాయిదా పడనుందంటూ తాజాగా రూమర్లు బయటికి వచ్చాయి.
