గతేడాది ఇలాంటి ఘటనే
గతేడాది మే నెలలో ఈ తరహా ఘటన చోటుచేసుకుంది. బరువు, కొవ్వు తగ్గిస్తామంటూ ప్రకటన చేస్తూ బాగా ఫేమస్ అయ్యింది కలర్స్ సంస్థ. హైదరాబాద్ కు చెందిన ఓ వ్యక్తి ఆరోగ్యం పాడవడానికి కారణమైనందుకు రూ. 1.30 లక్షలు 12 శాతం వడ్డీతో పాటు, కోర్టు ఖర్చులు రూ. 5,000 వినియోగదారుడికి రీఫండ్ చేయాలని జిల్లా వినియోగదారుల కోర్టు కలర్స్ హెల్త్ కేర్‌ను ఆదేశించిన విషయం తెలిసిందే. హైదరాబాద్ లంగర్ హౌస్‌కు చెందిన ఆటో రిక్షా డ్రైవర్ రాంబాబు బరువు తగ్గే చికిత్స కోసం కలర్స్ హెల్త్ కేర్‌ను సంప్రదించారు. ముందుగా రూ. 500, ఇతర ఛార్జీల పేరుతో అతడు రూ. 5,000 చెల్లించాడు. బరువు తగ్గించేందుకు కలర్స్ హెల్త్ కేర్ అతడికి రూ.1.30 లక్షల ప్యాకేజీ నిర్ణయించింది.
