తెలంగాణలో ఉపాధ్యాయులైన భార్యాభర్తల బదిలీలు, డీఎస్సీ-2008 అభ్యర్థుల పోస్టింగులకు ముఖ్యమంత్రి రేవంత్ రెడ్డి గురువారం ఆమోదం తెలిపారు. 317 జీవో వల్ల వేర్వేరు జిల్లాలకు బదిలీ కావడంతో భార్యాభర్తలను ఇకపై ఒకే జిల్లాకు కేటాయించేందుకు మంత్రివర్గ ఉపసంఘం అవకాశం కల్పించింది. ఈ క్రమంలో తెలంగాణ వ్యాప్తంగా సుమారు 840 మంది టీచర్లు ఒకే జిల్లాలో పనిచేసేందుకు అనుమతించాలని దరఖాస్తు చేశారు.
