500 బిలియన్ డాలర్ల ప్రాజెక్ట్
సాఫ్ట్‌బ్యాంక్ గ్రూప్, ఓపెన్‌ఏఐ, ఒరాకిల్ అమెరికాలో స్టార్‌గేట్ అనే కొత్త జాయింట్ వెంచర్‌ ప్రారంభిస్తున్నాయి. ఆర్టిఫిషియల్ ఇంటెలిజెన్స్ ఇన్‌ఫ్రాస్ట్రక్చర్‌కు నిధులు సమకూర్చడానికి 500 బిలియన్ల డాలర్ల జాయింట్ వెంచర్‌ను ఏర్పాటు చేస్తున్నట్లు ప్రకటించాయి. అమెరికా అధ్యక్షుడు ట్రంప్ సమక్షంలో ఓపెన్ ఏఐ సీఈవో సామ్ ఆల్ట్‌మన్, సాఫ్ట్‌బ్యాంక్ సీఈవో మసయోషి సన్, ఒరాకిల్ సీఈవో లారీ ఎల్లిసన్.. చరిత్రలో అతిపెద్ద ఏఐ ఇన్‌ఫ్రాస్ట్రక్చర్ ప్రాజెక్ట్ ఇది అని చెప్పారు.
