Ind vs Eng 1st T20: టీ20ల్లో టీమిండియా జైత్రయాత్ర కొనసాగుతోంది. ఇంగ్లండ్ తో జరిగిన తొలి టీ20లో 7 వికెట్ల తేడాతో ఘన విజయం సాధించింది. ఓపెనర్ అభిషేక్ శర్మ మరోసారి విధ్వంసకర ఇన్నింగ్స్ ఆడాడు. దీంతో 133 పరుగుల లక్ష్యాన్ని టీమిండియా కేవలం 12.5 ఓవర్లలోనే 3 వికెట్లు కోల్పోయి ఛేదించింది. అభిషేక్ 34 బంతుల్లో 8 సిక్స్ లు, 5 ఫోర్లతో 79 రన్స్ చేయడం విశేషం. ఈ విజయంతో ఐదు టీ20ల సిరీస్ లో ఇండియా 1-0 ఆధిక్యం సంపాదించింది.
