ప్రముఖ హీరో నాగశౌర్య(Naga shaurya)కి గత కొంత కాలం నుంచి సరైన హిట్ సినిమాలు లేవు.2018 లో ప్రేక్షకుల ముందుకు వచ్చిన ‘ఛలో’ మూవీతో పాటు సమంత ప్రధాన పాత్రలో తెరకెక్కిన ‘ఓ బేబీ’ మాత్రమే నాగ శౌర్య కి విజయాన్నిఅందించిపెట్టాయి.కానీ ఈ మధ్యలో వచ్చిన అన్ని చిత్రాలు కూడా పరాజయాన్ని చవి చూశాయి.నాగశౌర్య తన క్యారక్టర్ కోసం కష్టపడి నటించడంతో పాటుగా, వేటికవే భిన్నమైన సినిమాలు అయినా కూడా కథనాల్లోని లోపాల వల్ల సక్సెస్ ని చూడలేకపోయాయి.కానీ ఇప్పుడు కొంత గ్యాప్ తీసుకొని మరో కొత్త మూవీతో ప్రేక్షకుల ముందుకు వస్తున్నాడు..
ఈ రోజు నాగశౌర్య పుట్టిన రోజు.ఈ సందర్భంగా ఆయన నటిస్తున్న కొత్త చిత్రానికి ‘బాడ్ బాయ్ కార్తీక్’ అనే వినూత్నమైన టైటిల్ ని ఫిక్స్ చెయ్యడం జరిగింది.ఈ మేరకు మేకర్స్ టైటిల్ పోస్టర్ ఒక దాన్ని రిలీజ్ చేసారు.సీరియస్ లుక్ తో ఉన్న నాగశౌర్య పోస్టర్ అయితే ఇప్పుడు అందర్నీ విశేషంగా ఆకట్టుకుంటుంది.సినిమాపై అభిమానుల్లో,ప్రేక్షకుల్లో పాజిటివ్ వైబ్రేషన్ ని కూడా కలిగిస్తుందని చెప్పవచ్చు.
పక్కా యూత్ ఫుల్ యాక్షన్ ఎంటర్ టైనర్ గా తెరకెక్కుతున్న ఈ మూవీకి రామ్ దేసిన(Ram Desina)దర్శకుడు కాగా వైష్ణవి ఎంటర్ టైన్మేంట్ భారీ వ్యయంతో నిర్మిస్తుంది. చాలా రోజుల తర్వాత టాప్ మ్యూజిక్ డైరెక్టర్ హరీష్ జయరాజ్ ఈ చిత్రానికి సంగీతాన్ని అందిస్తున్నాడు.హీరోయిన్ తో పాటు మిగతా నటి నటుల వివరాలు కూడా త్వరలోనే తెలియనున్నాయి.
