కార్టూనిస్టు గా ఎలా మారారు…?
ఆర్కే లక్ష్మణ్‌, మారియో మిరాండా వంటి ప్రఖ్యాత కార్టూనిస్టుల వ్యంగ్య రేఖలే తనలో ఆసక్తి పుట్టించాయని బీపీ ఆచార్య చెబుతుంటారు. చిన్ననాటి నుంచే హాస్యంతో పాటు కళలపై ఆకర్షితుడయ్యారు. నాలుగు దశాబ్దాల విద్యార్థి దశ నుంచి రిటైర్‌మెంట్‌ వరకు తన అనుభవాలను కార్టూన్లుగా మలచి ‘Obtuse Angle’ అనే కార్టూన్‌ సంకలనం రూపొందించారు. సివిల్‌ సర్వెంట్‌గా కొనసాగిన ప్రయాణంలో ఎదురైన సవాళ్లను, కష్టాలను, సరదా క్షణాలను తన వ్యంగ్య రేఖల్లో ప్రతిబింబించారు. రాజకీయ,ఆర్ధిక ,సామాజిక అంశాల పై వేసిన 100కు పైగా కార్టూన్లు ఈ పుస్తకంలో ఉన్నాయి.
