ఖర్జూరం అంటే అందరికీ ఇష్టం. దీన్ని తినడం వల్ల ఆరోగ్యానికి కూడా చాలా రకాల ప్రయోజనాలు అందుతాయి. అయితే ఖర్జూరాలతో పాటు వాటు గింజలతో కూడా ఆరోగ్య ప్రయోజనాలను పొందవచ్చని మీకు తెలుసా? ఖర్జూరం తినడం వల్ల కలిగే ప్రయోజనాలు చాలా మందికి తెలుసు, కానీ దాని గింజల వల్ల కలిగే ప్రయోజనాలు తెలియకపోవచ్చు. అందుకే వాటిని పడేస్తుంటారు. ఇప్పటివరకు మీరు కూడా అలాగే చేస్తున్నట్లయితే, ఇంకోసారి అలా చేసే ముందు ఒక్కసారి ఆలోచించండి. ఖర్జూరం గింజల్లో ఒలిక్ ఆమ్లం, డైటరీ ఫైబర్, పాలీఫెనాల్స్, ప్రోటీన్, పొటాషియం, మెగ్నీషియం, రాగి, ఇనుము, మాంగనీస్, విటమిన్ B6 వంటి పోషకాలు ఉంటాయి. ఇవి డయాబెటీస్ నుండి బరువు తగ్గడం వరకు అన్నింటికీ సహాయపడతాయి. ఖర్జూరం గింజలు తినడం వల్ల కలిగే ఆరోగ్య ప్రయోజనాలు మరియు వాటిని సేవించడానికి సరైన మార్గం ఏమిటో తెలుసుకుందాం.
