సంక్రాంతికి వస్తున్నాం హిందీ రీమేక్..హీరో ఎవరో తెలుసా

విక్టరీ వెంకటేష్(Venkatesh)అనిల్ రావిపూడి(Anil Ravipudi),దిల్ రాజు(Dil Raju)కాంబోలో సంక్రాంతికి కానుకగా ప్రేక్షకుల ముందుకు వచ్చిన మూవీ ‘సంక్రాంతికి వస్తున్నాం'(Sankranthiki vasthunnam)మొదటి ఆట నుంచే హిట్ టాక్ ని అందుకున్న ఈ మూవీ రెండు వందల యాబై కోట్ల గ్రాస్ కి దగ్గరలో ఉంది.విడుదలైన రెండు వారాలకే ఆ రేంజ్ కలెక్షన్స్ వస్తున్నాయంటే,ప్రేక్షకులని ఈ మూవీ ఎంతగా ఆకట్టుకుందో అర్ధం చేసుకోవచ్చు. 

ఇప్పుడు ఈ మూవీ హిందీలోకి తెరకెక్కే అవకాశాలు ఉన్నాయనే చర్చ ఫిలిం సర్కిల్స్ లో జరుగుతుంది.రీసెంట్ గా దర్శకుడు అనిల్ రావిపూడి మాట్లాడుతు ‘సంక్రాంతికి వస్తున్నాం’ ని హిందీలో రీమేక్ చేసే ఛాన్స్ వస్తే తప్పకుండా చేస్తాను.సల్మాన్ ఖాన్(Salman Khan)ఆ రీమేక్ కి  పర్ఫెక్ట్ గా సూటవుతారని చెప్పుకొచ్చాడు.దీంతో హిందీలోకి రీమేక్ అయ్యే ఛాన్స్ ఉందనే మాటలు వినపడుతున్నాయి.నిజానికి సంక్రాంతికి వస్తున్నాం లాంటి సబ్జెక్ట్ తో కూడిన సినిమాలని నార్త్ ఆడియన్స్ ఎంతగానో ఇష్టపడతారు.సల్మాన్ కి కూడా యాక్షన్ అండ్ ఫ్యామిలీ హీరోగా బాలీవుడ్ ప్రేక్షకుల్లో మంచి ఇమేజ్ ఉంది.దీంతో సల్మాన్ సంక్రాంతికి వస్తున్నాం చేస్తే కనుక,కెరిరీలో నే మరో బిగ్గెస్ట్ హిట్ ని అందుకోవడం గ్యారంటీ అని సినీ ట్రేడ్ వర్గాలు అంటున్నాయి.

అలాగే గత కొంత కాలం నుంచి తెలుగు సినిమాలకి బాలీవుడ్ లో ఎలాంటి ఆదరణ లభిస్తుందో తెలిసిందే.మ్యూజిక్ డైరెక్టర్ థమన్ తో కూడా బాలీవుడ్ వర్గాలు తెలుగు సినిమా గురించి చర్చిస్తున్నాయి.దీన్ని బట్టి తెలుగు చిత్రాలపై బాలీవుడ్ చూపు ఎంతలా ఉందో అర్ధం చేసుకోవచ్చు.ఈ నేపథ్యంలో అనిల్ రావిపూడి నే స్వయంగా సల్మాన్ అయితే బాగుంటాడని చెప్పడంతో, ఈ మూవీ హిందీలోకి పట్టాలెక్కే అవకాశం లేకపోలేదు.సల్మాన్,వెంకీ మధ్య రెండు దశాబ్దాలపై నుంచి మంచి అనుబంధం ఉందని కూడా గుర్తు చేస్తున్నారు.ఇప్పటికే క్రాక్, వీరసింహరెడ్డి సినిమాల ఫేమ్ గోపిచంద్ మలినేని హిందీ సినిమా చేస్తున్న విషయం తెలిసిందే.