కర్బన ఉద్గారాలు తగ్గుతాయి
“ప్యూర్ ఈవీతో భాగస్వామ్యం కుదుర్చుకోవడం, అలాగే భారత్‌లో అధునాతన బ్యాటరీ రీకండీషనింగ్ టెక్నాలజీ, పరికరాలను ప్రవేశపెట్టనుండటంపై మేం సంతోషంగా ఉన్నాం. ఈవీ రంగంలో సుస్థిరతకు తోడ్పడటం, కర్బన ఉద్గారాలను తగ్గించే క్రమంలో ఆఖరు దశలో ఉన్న, లోపాలున్న బ్యాటరీలను రీకండీషనింగ్ చేయడం ద్వారా పర్యావరణంపై సానుకూల ప్రభావం చూపాలన్న మా నిబద్ధతకు ఈ భాగస్వామ్యం నిదర్శనంగా నిలుస్తుంది” అని బీ ఎనర్జీ వ్యవస్థాపకుడు, గ్లోబల్ ప్రెసిడెంట్ బెర్ట్రాండ్ కోస్ట్ (Bertrand Coste) తెలిపారు.
