Samsung Galaxy S25: శాంసంగ్ గెలాక్సీ ఎస్ 25 సిరీస్ ను లాంచ్ చేసినప్పుడు, కేవలం 256 జీబీ స్టోరేజ్, ఆపై స్టోరేజ్ ఉన్న వేరయంట్లను మాత్రమే అందుబాటులోకి తీసుకువచ్చింది. 128 జీబీ స్టోరేజ్ వేరయంట్ ను ఏ మోడల్ లో కూడా లాంచ్ చేయలేదు. 256 జీబీ స్టోరేజ్, 12 జీబీ ర్యామ్ తో అవి మార్కెట్లోకి వచ్చాయి. అయితే, త్వరలో, 128 జీబీ స్టోరేజ్ తో శాంసంగ్ గెలాక్సీ ఎస్ 25 ను శాంసంగ్ లాంచ్ చేయనున్నట్లు తెలుస్తోంది. అయితే, దీనిపై శాంసంగ్ నుంచి ఇంకా ఎలాంటి అధికారిక ప్రకటన రాలేదు. కాగా, ఒకవేళ 128 జీబీ స్టోరేజీ వేరియంట్ ను శాంసంగ్ లాంచ్ చేస్తే, దాని ధర కూడా తక్కువ ఉండే అవకాశం ఉంది.
