కొత్త షూ లేదా చెప్పులు ధరించినప్పుడు, కొంత సమయం అలవాటు అయ్యే వరకు నొప్పిని కలిగించి, కాస్త ఇబ్బందిగా అనిపిస్తాయి. ఈ సమస్య కొంతసేపే ఉన్నప్పటికీ నిదానంగా మన పాదాలకు అలవాటు అయిపోతుంది. కానీ, కొన్నిసార్లు షూ లేదా చెప్పులు ఎన్నిసార్లు ధరించినా నొప్పి అలాగే ఉంటుంది. ఈ నొప్పిని బట్టి పాదాలలో సమస్య ఉందని గుర్తించాలి. పాదాలలో బొబ్బలు లేదా వాపు వచ్చి నొప్పిగా ఉంటే, నడవడానికి, పరిగెత్తడానికి సమస్య అవుతుంది. అలాంటప్పుడు ముందుగా సరైన రకం చెప్పులు/షూలు వేసుకుని ప్రయత్నించాలి. అప్పటికీ ఇబ్బంది తగ్గకపోతే, వైద్యులను సంప్రదించాల్సిందే.
