Delhi Assembly Election Live Updates 2025: ఢిల్లీ అసెంబ్లీ ఎన్నికల్లో బీజేపీదే విజయం: ఎగ్జిట్ పోల్స్-delhi assembly elections and exit polls live updates check details of aap bjp congress triangle fight in the national capital ,జాతీయ

ఢిల్లీ అసెంబ్లీ ఎన్నికల్లో బీజేపీ విజయం సాధించబోతోందని చాణక్య స్ట్రాటెజీస్ అంచనా వేసింది. మొత్తం 70 స్థానాలకు గానూ బీజేపీ 39 నుంచి 44 సీట్లలో, ఆప్ 25 నుంచి 28 సీట్లలో విజయం సాధిస్తుందని చాణక్య స్ట్రాటెజీస్ అంచనా వేసింది. కాంగ్రెస్ కు జీరో నుంచి 1 సీటు రావచ్చని పేర్కొంది.

ఢిల్లీ అసెంబ్లీ ఎన్నికల్లో బీజేపీ, ఆప్ ల మధ్య గట్టి పోటీ ఉందని మాట్రిజ్ ఎగ్జిట్ పోల్ కూడా అంచనా వేసింది. మొత్తం 70 స్థానాలకు గానూ బీజేపీ35 నుంచి 40 సీట్లలో, ఆప్ 32 నుంచి 37 సీట్లలో విజయం సాధిస్తుందని మాట్రిజ్ అంచనా వేసింది. కాంగ్రెస్ కు జీరో నుంచి 1 సీటు రావచ్చని పేర్కొంది.

2025 ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీకి భారీ ఎదురు దెబ్బ తగిలే అవకాశం ఉందని ఎగ్జిట్ పోల్స్ అంచనాలు చెబుతున్నాయి. మూడు ప్రముఖ ఎగ్జిట్ పోల్స్ కూడా ఈ ఎన్నికల్లో బీజేపీ విజయం సాధించబోతోందని తెలిపాయి. ఢిల్లీలో జరిగిన గత రెండు అసెంబ్లీ ఎన్నికల్లో ఘనవిజయం సాధించిన ఆప్ కు ఇది భారీ దెబ్బ అని విశ్లేషకులు భావిస్తున్నారు.

ఢిల్లీ అసెంబ్లీ ఎన్నికల్లో బీజేపీ, ఆప్ ల మధ్య గట్టి పోటీ ఉందని జేవీసీ అంచనా వేసింది. మొత్తం 70 స్థానాలకు గానూ బీజేపీ35 నుంచి 40 సీట్లలో, ఆప్ 32 నుంచి 37 సీట్లలో విజయం సాధిస్తుందని జేవీసీ అంచనా వేసింది. కాంగ్రెస్ కు జీరో నుంచి 1 సీటు రావచ్చని పేర్కొంది.

ఢిల్లీ అసెంబ్లీ ఎన్నికల్లో బీజేపీ విజయం సాధించబోతోందని పలు ఎగ్జిట్ పోల్స్ అంచనా వేస్తున్నాయి. మొత్తం 70 స్థానాలకు గానూ బీజేపీ 40 నుంచి 44 సీట్లలో, ఆప్ 20 నుంచి 29 సీట్లలో విజయం సాధిస్తుందని పీపుల్స్ ఇన్ సైట్ సంస్థ అంచనా వేసింది.

ఢిల్లీ అసెంబ్లీ ఎన్నికల్లో బీజేపీ విజయం సాధించబోతోందని పలు ఎగ్జిట్ పోల్స్ అంచనా వేస్తున్నాయి. మొత్తం 70 స్థానాలకు గానూ బీజేపీ 51 నుంచి 60 సీట్లలో, ఆప్ 10 నుంచి 19 సీట్లలో విజయం సాధిస్తుందని పీపుల్స్ పల్స్ అంచనా వేసింది.

ఢిల్లీ అసెంబ్లీ ఎన్నికల్లో సాయంత్రం 5 గంటల వరకు 57.70% పోలింగ్ నమోదైంది. 2020 ఎన్నికల్లో సాయంత్రం 5 గంటల వరకు 54.2% మాత్రమే నమోదైంది. 2020 లో మొత్తంగా 62% పోలింగ్ నమోదైంది.

2015, 2020 సంవత్సరాలలో జరిగిన అసెంబ్లీ ఎన్నికల్లో ఢిల్లీలో ఆమ్ ఆద్మీ పార్టీ ఘనవిజయం సాధించింది. 2015 లో మొత్తం 70 సీట్లకు గానూ ఆప్ 67 సీట్లను గెలుచుకుంది. బీజేపీ 3 సీట్లలో గెలుపొందింది . 2020 ఎన్నికల్లో ఆప్ 62 సీట్లను గెలుచుకోగా, బీజేపీ 8 స్థానాల్లో గెలుపొందింది. ఈ రెండు ఎన్నికల్లో కూడా కాంగ్రెస్ ఖాతా తెరవలేదు.

ప్రస్తుతం ఢిల్లీ అసెంబ్లీ ఎన్నికల పోలింగ్ కొనసాగుతోంది. బుధవారం ఉదయం 7 గంటలకు ప్రారంభమైన పోలింగ్ సాయంత్రం 6 గంటల వరకు కొనసాగనుంది. సాయంత్రం 6.30 గంటల తర్వాత ఎగ్జిట్ పోల్ అంచనాలు వెలువడనున్నాయి. ఈసీ ఆదేశాల అనుసారం, సాయంత్రం 6.30 గంటల తరువాత యాక్సిస్ మై ఇండియా, సీ ఓటర్, ఐపీఎస్ఓఎస్, జన్ కీ బాత్, టుడేస్ చాణక్య సహా పలు ప్రముఖ పోలింగ్ సంస్థలు అంచనాలను విడుదల చేయనున్నాయి.

ఢిల్లీ అసెంబ్లీ ఎన్నికల పోలింగ్ మందకోడిగా కొనసాగుతోంది. మధ్యాహ్నం 2 గంటల సమయానికి 33.3% పోలింగ్ నమోదైనట్లు సమాచారం. ఈ ఎన్నికల్లో విజయం కోసం ఆప్, బీజేపీ, కాంగ్రెస్ పార్టీలు హోరాహోరీ పోరు సాగించాయి. మొత్తం 70 స్థానాలకు ఒకే దశలో పోలింగ్ నిర్వహిస్తున్నారు.