ఇటీవల కొందరు స్టార్ హీరోల బిరుదులు మారిపోతున్నాయి. నట సింహంగా ఉన్న సీనియర్ హీరో బాలకృష్ణ ట్యాగ్ గాడ్ ఆఫ్ మాసెస్ అయింది. యంగ్ టైగర్‌గా చాలాకాలం పిలుచుకున్న జూనియర్ ఎన్టీఆర్ బిరుదు.. మ్యాన్ ఆఫ్ మాసెస్‍గా మారింది. స్టైలిష్ స్టార్ అల్లు అర్జున్ చాలా కాలం క్రితమే ఐకాన్ స్టార్ అయ్యారు. అయితే, మెగాస్టార్ చిరంజీవికి కూడా తాజాగా కొత్త టైటిల్ కనిపించింది. లైలా సినిమా ప్రీ-రిలీజ్ ఈవెంట్‍కు చిరంజీవి ముఖ్య అతిథిగా వెళ్లనున్నారు. ఈ విషయాన్ని తెలుపుతూ ఈ మూవీ టీమ్ వెల్లడించిన పోస్టర్లో నయా టైటిల్ ఉంది.
