ఓవర్సీస్‌లో నిఖిల్‌ సినిమా రికార్డు.. షాక్‌ అయిన టాలీవుడ్‌!

2007లో హ్యాపీడేస్‌ చిత్రం ద్వారా నటుడిగా పరిచయమైన నిఖిల్‌ చాలా తక్కువ సమయంలోనే ఎన్నో వైవిధ్యమైన సినిమాలతో హీరోగా మంచి పేరు తెచ్చుకున్నారు. కథల ఎంపికలో, ఎక్స్‌పెరిమెంట్స్‌లో తనకంటూ ఓ ప్రత్యేకతను చూపిస్తూ విజయాలు అందుకుంటున్నారు. ఈమధ్యకాలంలో నిఖిల్‌ చేసిన సినిమాలన్నీ ప్రయోగాత్మకంగానే ఉండడం విశేషం. ఆ కోవలోనే వస్తున్న మరో చిత్రం ‘స్వయంభు’. భరత్‌ కృష్ణమాచారి దర్శకత్వంలో టాగూర్‌ మధు నిర్మిస్తున్న ఈ సోషియో ఫాంటసీ యాక్షన్‌ థ్రిల్లర్‌ నిఖిల్‌ కెరీర్‌లోనే హయ్యస్ట్‌ బడ్జెట్‌ మూవీ అని చెప్పుకోవచ్చు. బడ్జెట్‌తోపాటు ఈ సినిమాలోని స్టార్‌ కాస్ట్‌, షూటింగ్‌ డేస్‌ కూడా ఎక్కువనే చెప్పాలి. అన్ని విషయాల్లోనూ భారీ అనిపించుకుంటున్న ఈ సినిమాకి సి.జి. వర్క్‌ భారీగానే ఉంటుందని తెలుస్తోంది.

ఈ సినిమాకి సంబంధించి చిన్న చిన్న ప్యాచ్‌వర్క్‌ మినహా షూటింగ్‌ పార్ట్‌ పూర్తయింది. అయితే పోస్ట్‌ ప్రొడక్షన్‌ వర్క్‌కి ఎక్కువ సమయం తీసుకునే అవకాశం ఉంది. రెండు నెలలపాటు పోస్ట్‌ ప్రొడక్షన్‌, సి.జి. వర్క్‌ జరుగుతుందని తెలుస్తోంది. అందుకే సినిమా రిలీజ్‌ డేట్‌ని ఇప్పటివరకు ఎనౌన్స్‌ చెయ్యలేదు. అందుతున్న సమాచారం మేరకు జూలైలో ఈ చిత్రాన్ని విడుదల చేయడానికి ఏర్పాట్లు చేస్తున్నారని సమాచారం. ఈ సినిమాపై అంచనాలు భారీగా ఉండడంతో బిజినెస్‌ కూడా ఆ రేంజ్‌లోనే జరిగిందని తెలుస్తోంది. నాన్‌ థియేట్రికల్‌ రైట్స్‌తోపాటు ఓవర్సీస్‌ రైట్స్‌ కూడా రికార్డు స్థాయిలో అమ్ముడుపోయాయని తెలుస్తోంది. నిఖిల్‌ కెరీర్‌లోనే ఇప్పటివరకు జరిగిన హయ్యస్ట్‌ బిజినెస్‌ ఇది అంటున్నారు. ఓవర్సీస్‌ రైట్స్‌ను రూ.6.4 కోట్లకు ఇచ్చారట. ఇప్పటికే ఈ సినిమాకి సంబంధించిన స్టిల్స్‌ అందర్నీ ఆకర్షిస్తున్నాయి. ప్రమోషన్స్‌ స్టార్ట్‌ అయిన తర్వాత సినిమాకి మరింత లుక్‌ వచ్చే అవకాశం ఉంది. ఏది ఏమైనా నిఖిల్‌ కెరీర్‌లో హయ్యస్ట్‌ బడ్జెట్‌తో నిర్మిస్తున్న సినిమా, బిజినెస్‌పరంగా ఎక్కువ డిమాండ్‌ ఉన్న సినిమా ‘స్వయంభు’ కావడం విశేషం.