మంచు మనోజ్ చేతుల మీదుగా జగన్నాథ్ మూవీ టీజ‌ర్ లాంచ్

భ‌ర‌త్ ఫిలిం ఫ్యాక్ట‌రీ బ్యాన‌ర్‌పై భర‌త్‌,సంతోష్(Bharath, santhosh)ల ద్వయం ద‌ర్శ‌క‌త్వంలో, పీలం పురుషోత్తం నిర్మాతగా తెర‌కెక్కుతున్న మూవీ ‘జగన్నాథ్'(jagannadh). రాయ‌ల‌సీమ‌ భరత్, ప్రీతి జంటగా న‌టిస్తున్న ఈ మూవీ టీజర్‌ తో పాటు,పోస్ట‌ర్‌ లాంచింగ్ కార్యక్రమం ఆంధ్రప్రదేశ్ లోని రాయచోటి లో రాక్‌స్టార్ మంచు మనోజ్‌(Manchu Manoj)తన చేతుల మీదుగా చాలా ఘనంగా జరిగింది. 

 ఈ సంద‌ర్భంగా మంచు మనోజ్ మాట్లాడుతు’జగన్నాథ్’ మూవీ టీజ‌ర్ చాలా అద్భుతంగా ఉంది. త‌మ్ముడు ‘రాయ‌ల‌సీమ’ భర‌త్ చేసిన ఫ‌స్ట్ మూవీ అయిన‌ప్ప‌టికీ ఎంతో ప్రొఫెష‌న‌ల్‌గా చేశాడు. చిత్ర‌యూనిట్‌లో ప్ర‌తి ఒక్క‌రి క‌ష్టం క‌నిపిస్తోంది.భర‌త్ ఫ్రెండ్స్ అంతా ముందుకు వ‌చ్చి ఈ సినిమా నిర్మాణంలో పాలుపంచుకోవ‌డం చూస్తుంటే చాలా ఆనందంగా ఉంది.ఈ రోజుల్లో సినిమా తీయ‌డం అంత ఈజీ కాదు.అలాంటి ప‌రిస్థితుల్లో ఎంతో ఫ్యాష‌న్‌తో ఈ సినిమా తీశారు. కోటి రూపాయ‌ల‌తో తీసిన‌ సినిమా చిన్న‌ది, వెయ్యి కోట్ల‌తో తీసింది పెద్ద సినిమా అన‌డానికి లేదు. ఏదైనా సినిమానే. కాక‌పోతే సినిమా బాగుందా? బాగో లేదా? అనేదే ఉంటుంది.’జగన్నాథ్’ మూవీ హిట్ కావాల‌ని మ‌న‌స్పూర్తిగా కోరుకుంటున్నాను. ఆల్ ది బెస్ట్ మూవీ టీం.” అని చెప్పుకొచ్చాడు

 

హీరో రాయ‌ల‌సీమ‌ భరత్ మాట్లాడుతు’మంచు మనోజ్ అన్న మంచి మ‌నసున్న వ్య‌క్తి.  ‘జగన్నాథ్’ మూవీ వేడుక కోసం ఆయ‌న స్వ‌చ్ఛందంగా వ‌చ్చారు. నిజంగా గ్రేట్ ప‌ర్స‌న్. సినిమాల మీద ఇష్టంతో ఎంతో క‌ష్ట‌ప‌డి ఇండ‌స్ట్రీకి వ‌చ్చాను. నిరంత‌రం ప‌ని చేస్తూ 5 సంవ‌త్స‌రాల శ్ర‌మ‌తో ‘జగన్నాథ్’ మూవీని పూర్తి చేశాము.ఈ ఐదేళ్లు వెంకీ, చైతూ.. నా వెంటే ఉంటూ సొంత త‌మ్ముళ్ల మాదిరిగా క‌ష్టాలు పంచుకున్నారు.స‌పోర్టుగా నిలిచిన క‌దిరి భాష‌కు థ్యాంక్యూ. సినిమా బాగా వ‌చ్చింది.” అని అన్నారు.ఈ వేడుక‌ల్లో జ‌బ‌ర్ద‌స్త్ కామెడియ‌న్స్ అప్పారావు,వినోదిని, గ‌డ్డం న‌వీన్ పాల్గొని తమదైన శైలిలో వినోదాన్ని పంచారు.

సారా,ప్రీతిరెడ్డి, నిత్య‌శ్రీ, తదితరులు కీలక పాత్రల్లో కనిపించగా మదినే దుర్గారావు,బుక్కే వేను మాధవి,బుట్టమనేని వెంకటేష్,  నాగ చైతన్య రాయల్స్ సహనిర్మాతలుగా వ్యవహరించగా, మదన్ అర్జున్ రామ, డోలీ అనిల్, కింగ్ జగపతి రాజు కార్యనిర్వాహక నిర్మాతలుగా వ్యవహరించారు.లైన్ ప్రొడ్యూసర్: టి. సుబ్బారాయుడు,సంగీతం & బ్యాక్‌గ్రౌండ్ స్కోర్: శేఖర్ మొపూరి,కథ, మాటలు: నందమూరి హరి,ఎన్టీఆర్, డైలాగ్స్ & స్క్రీన్‌ప్లే: శివక్ వాలి, క్రాంతి కుమార్ కొండెల, వీఎఫ్‌ఎక్స్ & డీఐ: జెమినీ ల్యాబ్,పోస్ట్ ప్రొడక్షన్: సూపర్ గుడ్ స్టూడియో,సౌండ్ డిజైనింగ్ & మిక్సింగ్: శ్యామల్ సిద్ధార్, పీఆర్వో: క‌డ‌లి రాంబాబు, ద‌య్యాల అశోక్.