పుట్టగొడుగులు మన ఆరోగ్యానికి ఎంతో మేలు చేస్తాయి. వీటిని సులువుగా వండుకోవచ్చు. ఇది త్వరగా ఉడికిపోతాయి కూడా. డయాబెటిస్, క్యాన్సర్ వంటి రోగాలు రాకుండా అడ్డుకోవడంలో పుట్టగొడుగులు ముందుంటాయి. గుండె ఆరోగ్యానికి కూడా ఇవి ఎంతో మేలు చేస్తాయి. గర్భధారణ సమయంలో పోలేట్ అధికంగా కావాల్సి వస్తుంది. అందుకే గర్భం ధరించిన స్త్రీలు పుట్టగొడుగులు తినేందుకు ప్రయత్నించాలి. పుట్టగొడుగుల కూర లేదా ఇలా పుట్టగొడుగుల ఫ్రైడ్ రైస్ వంటివి తింటే రుచిగా ఉంటాయి. పుట్టగొడుగుల్లోని పోషకాలు కూడా శరీరానికి అందుతాయి.
